Barcelona ayaa guul muhiim ah ka gaartay kooxda Espanyol, taasoo u sahashay inay sii dheereystaan hoggaanka La Liga iyadoo 9 dhibcood ku qabatay kaalinta koowaad. Ciyaartan oo ka dhacday garoonka Camp Nou ayaa muujisay awoodda iyo tayada kooxda Barcelona, taasoo ku raaxeysatay gacanta sare inta badan ciyaarta.
Barcelona ayaa kulanka si xoog leh ku bilaabatay, iyagoo dhaliyay goolal degdeg ah oo niyadda ka jabiyay Espanyol. Weeraryahannada Barcelona, oo uu hoggaaminayo xiddigooda qaab ciyaareed wanaagsan ku jira, ayaa si joogto ah cadaadis u saaray difaaca Espanyol, taasoo u suurtagelisay inay goolal kale raaciso,halkaas oo Ciyaartuna kuso afmeerantay 3 -1 .
Natiijadan ayaa Barcelona ka dhigaysa kooxda horyaalka La Liga ugu sareysa, iyagoo sii dheeraystay farqiga dhibcaha ay ku haystaan hogaanka. Guushan waxay sidoo kale xoojisay rajadooda ku aaddan inay hanan karaan horyaalka xilli-ciyaareedkan, taasoo farxad galisay taageerayaasha kooxda.
Barcelona ayaa hadda si xooggan ugu socota yoolkooda ah hanashada horyaalka, iyagoo rajo weyn ka qaba inay horyaalka ku dhamaystaan meeshii ay ku hamiyi jireen.
0 Comments